Izraeli thotë se ka goditur dhjetëra objektiva në Siri që i përkasin qeverisë dhe forcave aleate iraniane.

Ushtria izraelite thotë se “sulmet në shkallë të gjerë” iu përgjigjën raketave të shkrepura nga një njësi iraniane në Izrael, transmeton portali arbresh.info.

Siria thotë se dy civilë vdiqën dhe se mbrojtja ajrore Siriane goditi pjesën më të madhe të raketave mbi Damask. Raporte të tjera thonë se numri i të vdekurve ishte më i lartë.

Raportet lokale thanë që shpërthime me zë të lartë u dëgjuan në kryeqytet. Fotografitë në mediat sociale treguan një numër zjarresh.

Të martën në mëngjes, ushtria izraelite tha se kishte përgjuar katër raketa të qëlluara nga Siria në drejtim të Izraelit verior. Thuhet se raketat nuk goditën tokën.

Izraeli ka kryer qindra sulme në Siri që nga shpërthimi i luftës civile më 2011./arbresh.info/